Santiago de Compostela, 4 de xuño de 2024.- A Federación Galega da Construción organizou unha xuntanza coa Conselleira de Vivenda e Planificación de Infraestruturas, María Martínez Allegue, con ocasión do seu recente nomeamento. Ao encontro acudiu acompañada polo Secretario Xeral da Consellería, Heriberto García Porto, e polo Director da Axencia Galega de Infraestruturas, Francisco Menéndez Iglesias.

.

Santiago de Compostela (xaneiro 2024).- A Federación Galega da Construción concluiu o Informe de licitación correspondente á obra pública en Galicia do exercicio 2023.

Santiago de Compostela, 26 de outubro de 2023.- A Federación Galega da Construción destacou a importancia da construción como sector estratéxico clave para a execución das infraestruturas e o desenvolvemento industrial e enerxético que se prevé para Galicia. Así quedou claro na reunión do Consello de Goberno da Confederación Nacional da Construción (CNC), presidida por Pedro Fernández Alén e clausurada polo presidente da Xunta de Galicia, Alfonso Rueda, xunto á Conselleira de Infraestruturas e Mobilidade, Ethel María Vázquez Mourelle.

Alfonso Rueda destacou a boa relación que a Administración mantén co sector da construción en Galicia e apostou por “flexibilizar a formación” para que “cada vez teña máis potencia a FP Dual máis orientada ás especialidades”.

Diego Vázquez Reino, presidente da Federación Galega da Construción, agradeceu ó presidente da Xunta a “boa relación do sector coas Administracións Públicas de Galicia”, un aspecto importante xa que “a colaboración púbico-privada é fundamental para superar, de xeito eficiente, os retos que como sociedade debemos afrontar”, asegurou.

Pedro Fernández Alén, presidente da Confederación Nacional da Construción, tamén agradeceu o apoio da Xunta á Fundación Laboral da Construción de Galicia á que situou como “exemplo de facer ben as cousas”. Fernández Alén repasou os retos da industria da construción como “a necesidade de man de obra”, especialmente á muller e ós mozos para loitar contra o envellecemento das plantillas. “En Galicia sodes líderes en formar a persoas traballadoras”, resaltou.

Fernández Alén pediu ó presidente da Xunta axuda en tres niveis: “controlar o uso dos medios propios”, “manter o nivel de inversión” e “mellorar a imaxe do sector para dignificalo”. Por último, resaltou que “precisamos pulo, certidume e estabilidade”.

Tras o almorzo, os representantes da CNC trasladáronse á Praza do Obradoiro para realizar unha visita guiada ó Pórtico da Gloria e ós interiores da Catedral de Santiago.

3 de xullo 2023.- A Fundación Galicia Constrúe, Clúster da Construción presentouse para dar resposta aos retos tecnolóxicos, sociais e medioambientais que debe afrontar a cadea de valor do sector da construción de Galicia. Impulsada pola Federación Galega da Construción, a nova entidade está integrada por 42 empresas e catro centros tecnolóxicos de diferentes actividades relacionadas coa construción.

A presentación tivo lugar na Sede en Santiago de Compostela de Fundación Laboral de la Construcción de Galicia e contou coa participación do presidente da Xunta de Galicia, Alfonso Rueda Valenzuela, que estivo acompañado polas Conselleiras de Infraestruturas e Mobilidade, Éthel Vázquez, e de Promoción do Emprego e Igualdade, Elena Rivo, entre outras autoridades políticas, axentes sociais e máis de 150 representantes do tecido empresarial de Galicia e que contou coa ponencia da experta internacional en tecnoloxía, innovación e tendencias de futuro, Silvia Leal sobre Os retos da construción.

Dentro do Padroado da Fundación Galicia Constrúe, Clúster da Construción Diego Vázquez Reino, Presidente de Vazquez y Reino, é o Presidente; Daniel Hermosilla Hermida, CEO en Rodiñas Pretensados e Antonio Pons Samaranch, Director Xeral de CETIM, Vicepresidentes, e Santiago Ferreiro Pérez, Director Xeral de Construcciones Orega, Secretario.

Sostibilidade e innovación tecnolóxica, os principais obxetivos do Clúster

O Clúster da Construción destacou que o seu principal obxectivo é acompañar ás empresas a adaptarse a este tempo de transformacións tecnolóxicas e sociais para seguir sendo competitivas e para crear unha sociedade máis sostible.

Diego Vázquez Reino, presidente do Clúster, sinalou que esta entidade "reúne un grupo heteroxéneo de sectores comprometidos coa excelencia, a innovación e a sostibilidade." A través da colaboración e o intercambio de coñecementos, "queremos impulsar o crecemento colectivo e o desenvolvemento sostible do sector" que, segundo indicou, significa "o 12% do tecido empresarial" de Galicia.

Entre os obxectivos do Clúster, Vázquez Reino referiuse á "tripla sustentabilidade: económica, social e ambiental" para "lograr a rendibilidade económica das nosas empresas; a consolidación e mellora das condicións laborais e reducir o impacto no medio ambiente das actividades" así como “seguir potenciando a igualdade, conseguindo incrementar a presenza, cada vez maior, da muller no noso sector e incorporar a persoas mozas á nosa actividade e garantir así o recambio xeracional”.

19 de abril 2023.- A Federación Galega da Construcción concluiu o Informe de licitación de obra pública en Galicia, correspondente ó primeiro timestre de 2023.